देशात १३० जिल्हे लाल, तर ३१९ हिरव्या श्रेणीत

देशात १३० जिल्हे लाल, तर ३१९ हिरव्या श्रेणीत

केंद्र सरकारने शुक्रवारी दोन आठवडय़ांसाठी टाळेबंदी वाढवितानाच आरोग्य मंत्रालयाने देशभरातील करोनाबाधित लाल, नारंगी आणि हिरव्या श्रेणी (झोन) जाहीर केल्या आहेत. देशभरातून १३० जिल्हे हे लाल श्रेणीत आहेत, तर २८४ जिल्हे हे नारंगी श्रेणीत आणि ३१९ जिल्हे हे हिरव्या श्रेणीत आहेत.
करोनाबाधित रुग्णांची संख्या, रुग्ण दुप्पट होण्याचे प्रमाण, चाचण्यांचे प्रमाण याचा विचार करून या श्रेणी तयार करण्यात आल्या आहेत. हे क्षेत्र हे आठवडाभरासाठी वा त्याहून कमी कालावधीसाठी तयार केले असून त्यासंदर्भात राज्य आणि केंद्रशासित प्रदेशांना कळविण्यात येईल, असे केंद्रीय आरोग्य मंत्रालयाने स्पष्ट केले आहे. नव्या वर्गीकरणानुसार मुंबई, दिल्ली, कोलकाता, हैदराबाद, पुणे, बंगळूरू आणि अहमदाबाद यासारख्या महानगरांचा समावेश लाल श्रेणीत करण्यात आला आहे. राज्यांचे मुख्य सचिव आणि आरोग्य सचिवांना मंत्रिमंडळ सचिवांनी ही माहिती दिली.
श्रेणींची विभागणी
लाल श्रेणी : वाढते रुग्ण. अधिक संख्येने नमुना चाचण्या होत असलेले जिल्हे.
नारंगी श्रेणी : लाल आणि हिरव्या श्रेणी नसलेले जिल्हे.
हिरवी श्रेणी : सलग २१ दिवस नवे रुग्ण आढळले नाहीत असे जिल्हे.
नियंत्रित विभाग : लाल व नारंगी श्रेणीतील अतिसंवेदनशील विभाग
नारंगी श्रेणीतील मुभा
* टॅक्सी आणि अ‍ॅपवरील टॅक्सीसेवा. चालक आणि दोन प्रवासी.
* आंतरजिल्हा प्रवास. पण, स्थानिक प्रशासनाच्या परवानगीने.
* चारचाकी गाडय़ांमध्ये जास्तीत जास्त चालकासह दोन व्यक्तींना मुभा.
लाल श्रेणीत बंदी
* लाल श्रेणीमध्ये सायकल रिक्षा, ऑटोरिक्षा, टॅक्सी, टॅक्सी अपसेवा, आंतर जिल्हा आणि जिल्ह्य़ांतर्गत बससेवा, केशकर्तनालय, स्पा, सलून या सेवांवर बंदी.
लाल श्रेणीत मुभा
* स्थानिक प्रशासनाच्या परवानगीने चालकासह कमाल दोघांना वाहनातून जाण्यास परवानगी. दुचाकीवर दोन व्यक्तींना परवानगी.
* औषधनिर्मिती, कच्चा माल प्रक्रिया, आयटी हार्डवेअर, बांधकामे.
* जीवनावश्यक आणि बिगरजीवनावश्यक वस्तूंची स्वतंत्र दुकाने.
* ई-कॉमर्सद्वारे जीवनावश्यक सेवांनाच परवानगी.
* वृत्तपत्रे आणि वृत्तवाहिन्यांचे व्यवहार.
* सरकारी आणि खासगी कार्यालये खुली राहतील. ३३ टक्के कर्मचारी.
* शेती आणि कुक्कुटपालन
* बँक, विमा आदी वित्तीय संस्था.
* व्यापारी व खासगी कार्यालये, संस्था.
* अंगणवाडी, ज्येष्ठ नागरिक, परित्यक्ता, महिलांसंबंधी संस्था.
अन्य बाबी..
* बिगर जीवनावश्यक सेवा फक्त सकाळी ७ ते संध्या ७ सुरू राहील. गरज भासल्यास जमावबंदी लागू.
* सर्व श्रेणींमध्ये ६५ वर्षांहून अधिक वयोगटातील मधुमेह वगैरे गंभीर आजार असलेल्या व्यक्ती, गर्भवती महिला, लहान मुलांनी घरातच राहणे गरजेचे.
* तीनही श्रेणीत बाह्य़रुग्ण विभाग सुरू राहतील. पण, नियंत्रित विभागात मात्र मुभा नाही.

करोना निदानासाठी स्वस्त, जलद चाचणी विकसित

करोना निदानासाठी स्वस्त, जलद चाचणी विकसित

अमेरिकेतील वैज्ञानिकांनी कमी किमतीची कोविड १९ निदान चाचणी शोधून काढली असून त्याचा फायदा लोकांच्या मोठय़ा प्रमाणात चाचण्या करण्यासाठी होणार आहे.
 या चाचणीचे नामकरण ‘सार्स सीओव्ही २ डिटेक्टर’ असे करण्यात आले असून ही चाचणी करणे व त्याचा अर्थ लावणे सोपे आहे, असे सॅनफ्रान्सिस्कोमधील कॅलिफोर्निया विद्यापीठाच्या संशोधकांनी सांगितले.
‘नेचर बायोटेक्नॉलॉजी’ या नियतकालिकात याबाबत माहिती जाहीर करण्यात आली असून ही चाचणी मोठय़ा प्रमाणावर उपलब्ध करून दिली जाणार आहे. अन्न व औषध प्रशासनाने अजून या चाचणीला मान्यता दिलेली नाही, पण ती लवकरच मिळेल यात शंका नाही.
 प्राध्यापक चार्ल शिऊ यांनी सांगितले की, यात क्रिस्पर तंत्रज्ञानाचा वापर करण्यात आला असून ही अतिशय प्रगत चाचणी राहील. करोना विषाणूवर क्रिस्पर तंत्रज्ञानावर आधारित ही पहिलीच चाचणी आहे. आरटी- पीसीआर चाचणीच्या मदतीने निकाल मिळण्यास चार तास लागतात, पण या चाचणीत ४५ मिनिटात निकाल हाती येतो.
कुठल्याही प्रयोगशाळेत ही चाचणी करता येऊ शकेल इतकी ती सोपी आहे. ही चाचणी सोपी असून त्यातील पट्टीवर काळ्या रेषा आल्या तर तुम्हाला करोनाची लागण झाली हे दिसून येते. रुग्णाच्या एक मायक्रोलिटर नमुन्यातून १० प्रकारचे करोना विषाणू शोधण्याची क्षमता या चाचणीत आहे. सध्याच्या पीसीआर चाचण्यांपेक्षा काहीशी कमी संवेदनशील असलेली ही चाचणी असून पीसीआर चाचणी एक मायक्रोलिटर नमुन्यात विषाणूच्या ३.२ प्रती शोधू शकते.
 पण त्याने या चाचणीला मर्यादा येत नाही कारण करोनाबाधित रुग्णाच्या नमुन्यात यापेक्षा खूप जास्त विषाणू असतात.

Lockdown : “यापुढे भारत-पाकिस्तानचा खेळ बंद करा आणि अर्थव्यवस्था सुधारने कडे लक्ष्य द्या उद्धव ठाकरे

Lockdown : “यापुढे भारत-पाकिस्तानचा खेळ बंद करा आणि अर्थव्यवस्था सुधारने कडे लक्ष्य द्या उद्धव ठाकरे

करोनाच्या शिरकाव झाल्यानंतर केंद्र सरकारनं विषाणूचा प्रसार रोखण्यासाठी तातडीनं लॉकडाउनचा निर्णय घेतला. लॉकडाउनचा पहिला टप्पा संपल्यानंतर त्याला मुदतवाढ देण्यात आली. लॉकडाउनमुळे करोनाच्या प्रसारावर काही प्रमाणात परिणाम झाला असला, तरी मोठं आर्थिक संकट घोंगावू लागलं आहे. या संकटाचा मुकाबला करण्यासंदर्भात शिवसेनेनं मोदी सरकारला काही सूचना करतानाच ताशेरेही ओढले आहेत.

देशात निर्माण झालेल्या अभूतपूर्व संकटाबरोबरच आर्थिक प्रश्नही डोकं वर काढू लागले आहेत. या पार्श्वभूमीवर काँग्रेसचे नेते राहुल गांधी यांनी रिझर्व्ह बँकेचे गव्हर्नर रघुराम राजन यांच्याशी चर्चा केली. या चर्चेचा हवाला देत शिवसेनेनं सामनाच्या अग्रलेखातून मोदी सरकारला टोले लगावले आहे. “लॉक डाऊनमुळे महसुलात तूट वाढत जाईल व राज्य चालवणे कठीण होईल. त्यात सरकारी कर्मचाऱ्यांचे पगार, प्रशासकीय खर्च, शेतकरी कर्जमाफी, अस्मानी-सुलतानी संकटाचा विचार केला तर योजना राबवायच्या कशा? केंद्राचेही तसेच होणार आहे. भाषणे, आश्वासने यांना मर्यादा पडतात व लोकांच्या पोटातली आग त्यावर हल्ला करते. लोकांनी संयम पाळायचा हे ठीक, पण सरकारला गरीब आणि मध्यमवर्गीयांच्या देखील बदलत्या आर्थिक स्थितीचा विचार करावा लागेल. मुख्य म्हणजे सगळ्यांना एकत्र घेऊन काम करावे लागेल व दुसऱ्यांचे देखील ऐकावे लागेल. अमेरिकेचे अध्यक्ष ट्रम्प हे अमेरिकेत कमालीचे बदनाम होताना दिसत आहेत. ते फक्त बोलत राहिले, चुकीची विधाने करत राहिले आणि करोना पसरत गेला. ६० हजार लोकांनी प्राण गमावले, चार कोटी लोक गरीब झाले व तरीही चीनला धडा शिकविण्याची भाषा मात्र सुरू आहे. हिंदुस्थानात यापुढे हिंदुस्थान-पाकिस्तानचा खेळ, धर्म व जातवादाची प्यादी हलवणे बंद करून देशाला आर्थिक खाईतून कसे बाहेर काढता येईल यावर सर्वच राजकीय पक्षांनी काम केले पाहिजे. पंतप्रधानांनी त्याकामी पुढाकार घ्यावा. देश पाठीशी उभा राहील. राहुल गांधी-रघुराम चर्चेने आर्थिक संकटाचा विषाणू किती गंभीर आहे ते समोर आले. ही शहाणे होण्याची वेळ आहे,” असा सल्ला शिवसेनेनं मोदी सरकारला दिला आहे.

रेड झोनमध्ये असलेल्या मुंबई-पुण्यात काय सुरु राहणार समजून घ्या…

केंद्र सरकारने आणखी दोन आठवडयांसाठी लॉकडाउन वाढवण्याचा निर्णय घेतला आहे. हा तिसरा लॉकडाउन आहे. लॉकडाउनचा दुसरा टप्पा ३ मे रोजी संपणार आहे. आता १७ मे पर्यंत लॉकडाउन कायम राहणार आहे. करोना रुग्णांच्या संख्येनुसार सरकारने रेड, ऑरेंज आणि ग्रीन झोन बनवले आहेत.

केंद्रीय गृहमंत्रालयाने लॉकडाउन वाढवण्याचा निर्णय जाहीर करताना काही मार्गदर्शकतत्वे जारी केली आहेत. मुंबई, पुणे, दिल्ली, बंगळुरु सारखी महानगरांचा रेड झोनमध्ये समावेश होतो. लॉकडाउन कायम राहणार असला तरी रेड झोनमध्ये व्यापार, व्यवसायासाठी काही सवलती देण्यात आल्या आहेत.

ANI

✔@ANI

MHA amends Para 11 of the #lockdown extension order, 'in Orange Zones, in addition to activities permitted in Red Zone, taxis & cab aggregators will be permitted with 1 driver & 2 passengers only'. https://twitter.com/ANI/status/1256208083283476480 …

ANI

✔@ANI

@ANI यांना प्रत्युत्तर देत आहे

In Orange Zones, in addition to activities permitted in Red Zone, taxis&cab aggregators will be permitted with 1 driver&1 passenger only: Ministry of Home Affairs on extension of #lockdown for two weeks from May 4

४८८

६:५१ म.उ. - १ मे, २०२०

Twitter वरील जाहिराती विषयक माहिती आणि गोपनीयता

१९१ लोक याविषयी बोलत आहेत

– रेड झोनमधल्या व्यावसायिक आणि खासगी आस्थापनांना काम सुरु ठेवण्याची परवानगी देण्यात आली आहे.

– प्रिंट, इलेक्ट्रॉनिक मीडिया, आयटी, माहिती-तंत्रज्ञानाशी संबंधित सेवा, कॉल सेंटर, शीतगृह गोदाम, खासगी सुरक्षा सेवा, सुरु राहणार आहेत.

– जीवनावश्यक वस्तुंची निर्मिती करणारे उत्पादन कारखाने, यात औषधे, वैद्यकीय उपकरणे, ताग उद्योग, आयटी हार्डवेअरशी संबंधित उत्पादन करणाऱ्या उद्योगांना परवानगी देण्यात आली आहे

लातूर जिल्ह्यात पुन्हा एक कोरोनाग्रस्त रुग्ण आढळला

14 रुग्णांचे स्वॅब तपासणी सुरू ; अहवालाची प्रतीक्षा

एका रुग्णाचा अहवाल पॉझिटिव्ह आल्यामुळे सर्वांच्या चिंतेत पडली भर 

लातूर : लातूर जिल्ह्यात कोरोना रुग्णांची संख्या वाढण्यास सुरुवात झाली आहे. आज पुन्हा एका रुग्णाचा अहवाल पॉझिटिव्ह आल्यामुळे सर्वांच्या चिंतेत भर पडली आहे. दोन रुग्णांची पुन्हा नव्याने स्वॅब तपासणी होणार आहे. आज 53 जणांचे स्वॅब तपासणीसाठी पाठवण्यात आले होते. त्यातील 39 जणांचे अहवाल निगेटिव्ह आले आहेत मात्र 14 जणांचे अहवाल अजून येणे बाकी आहे.

48 तासानंतर पुनर्तपासणी करण्यात येणार

30 एप्रिल रोजी एकूण 45 व्यक्तींच्या स्वॅबची तपासणी (कोविड19) साठी करण्यात आली होती त्यापैकी 42 व्यक्तींचे अहवाल निगेटिव्ह आले असून 03 व्यक्तींचे अहवाल प्रलंबित होते. त्यांपैकी एका व्यक्तीचा अहवाल पॉझिटिव्ह आला असून दोन व्यक्तींचे अहवाल (Inconclusive) आले असल्यामुळे त्यांची 48 तासानंतर पुनर्तपासणी करण्यात येणार आहे.

रात्री उशिरापर्यंत त्यांचे अहवाल प्राप्त होतील-डॉ. गिरीष ठाकूर

1 मे रोजी एकूण 53 व्यक्तींचे स्वॅब (कोविड 19) तपासणी साठी आले होते. त्यापैकी 39 व्यक्तींच्या स्वॅबची तपासणी करण्यात आली आहे. त्या सर्व 39 व्यक्तींचे अहवाल निगेटिव्ह आले असून उर्वरित 14 व्यक्तींच्या स्वॅबची तपासणी चालू असून रात्री उशिरापर्यंत त्यांचे अहवाल प्राप्त होतील, अशी माहिती विलासराव देशमुख शासकीय वैद्यकीय विज्ञान संस्थेचे अधिष्ठाता, डॉ. गिरीष ठाकूर यांनी दिली आहे.

करोना: सोलापूर नवा हॉटस्पॉट; सांगलीत रुग्णाच्या पत्नीला लागण

करोना: सोलापूर नवा हॉटस्पॉट; सांगलीत रुग्णाच्या पत्नीला लागण

पश्चिम महाराष्ट्रात सोलापूर जिल्हा करोनासाठी नवा हॉटस्पॉट बनला आहे. जिल्ह्यात करोना रुग्णसंख्येने वेगाने शंभरी ओलांडल्यानंतर शुक्रवारी आणखी ९ रुग्णांची त्यात भर पडली. दुसरीकडे सांगलीतही करोनाचा धोका कायम आहे.

सोलापूर: सोलापुरात शुक्रवारी करोनाचे ९ रुग्ण आढळून आले आहेत. आता एकूण रुग्णसंख्या १११ झाली आहे. आतापर्यंत जिल्ह्यात करोनाचे सहा बळी गेले आहेत. गुरुवारी एकाच दिवसात तब्बल २१ रुग्ण आढळून आल्यामुळे सोलापुरात करोनाने शंभरी पार केली होती.
शासकीय रुग्णालयातून करोनाचे निगेटिव्ह रिपोर्ट आलेले सातजण शुक्रवारी घरी परतले. अधिष्ठाता डॉ. संजीव कपूर यांच्यासह आरोग्य विभागाच्या अधिकारी व कर्मचाऱ्यांनी फुलांचा वर्षाव करून त्यांना निरोप दिला. याशिवाय पंढरपुरातील करोनाबाधित महिलेच्या संपर्कात आलेल्या ४९ जणांचे रिपोर्ट निगेटिव्ह आल्यामुळे या सर्वांनी सुटकेचा निश्वास सोडला आहे. अक्कलकोट तालुक्यातील चपळगाव येथे डॉक्टरच्या संपर्कातील ७८ जणांचे रिपोर्टसुद्धा निगेटिव्ह आले आहेत.
मुंबईहून कवठे महांकाळ तालुक्यातील दुधेभावी येथे आलेला एक जण करोनाबाधित ठरल्याने या रुग्णाशी संबंधित कुपवाड, दुधेभावी, बामनोली येथील २८ जणांना मिरज येथील आयसोलेशन कक्षात दाखल करण्यात आले होते व त्यांचे स्वॅब करोना चाचणीसाठी पाठविण्यात आले होते. यामधील २६ जणांचा करोना चाचणी अहवाल प्राप्त झाला असून यात सदर करोनाबाधित रुग्णाच्या पत्नीचा अहवाल पॉझिटिव्ह आला आहे तर अन्य २५ अहवाल निगेटिव्ह आले आहेत. रुग्णाशी संबंधित अन्य दोन व्यक्तींचे अहवाल प्रलंबित आहेत. सद्यस्थितीत जिल्ह्यात उपचाराखालील करोनारुग्णांची संख्या पाच झाली आहे, अशी माहिती जिल्हाधिकारी डॉ. अभिजित चौधरी यांनी दिली. खेराडे वांगी (ता.कडेगाव) येथे मुंबईहून आणलेल्या मृत व्यक्तीच्या अंत्यसंस्काराशी संबंधित ३० जणांना संस्थात्मक क्वारंटाइन करण्यात आले होते. या सर्वांचे सात दिवसानंतर करोना चाचणीसाठी घेतलेल्या स्वॅबचा अहवाल निगेटिव्ह आला आहे. त्यांना संस्थात्मक क्वारंटाइनमधून होम क्वारंटाइन करण्यात येणार असल्याची माहितीही जिल्हाधिकारी डॉ. चौधरी यांनी दिली.

लॉकडाऊनमुळे अडकलेल्यांना मूळगावी जाण्यासाठी नियोजन सुरू : परिवहन मंत्री

मुंबई : परराज्यातील जे नागरिक महाराष्ट्रात अडकले त्यांना त्यांच्या राज्यात सुखरूपपणे पाठवण्यासाठी शासनामार्फत व्यवस्था केली जात आहे. संबंधित राज्यांच्या प्रशासनाशी, मुख्यमंत्र्यांशी चर्चा सुरु आहे. सर्व बांधवांना त्यांच्या राज्यात सुखरूप पाठवले जाईल व त्याचपद्धतीने इतर राज्यात अडकलेल्या महाराष्ट्रातील लोकांनाही महाराष्ट्रात परत आणले जाईल, आणि राज्यांतर्गत अडकलेल्या लोकांना सुद्धा मूळ गावी पाठविण्यासाठीचे नियोजन करण्यात येत आहे अशी महिती परिवहनमंत्री अनिल परब यांनी दिली आहे

नागरिकांना त्यांच्या मूळ गावी जाण्यासाठी विशेष रेल्वे आणि बसची व्यवस्था करण्यात येणार आहे. त्यासाठी नागरिकांनी जवळच्या पोलीस स्टेशनमध्ये ग्रुप लीडरच्या माध्यमातून नोंदणी करावी. नोंदणी करत असताना नाव, सध्या रहात असलेला पत्ता, कुठे जाणार आहे त्या ठिकाणाचा पत्ता, मोबाईल नंबर, आधार नंबर यांची नोंद करावी. आणि त्यांना बसनी प्रवास करायचा आहे का रेल्वेनी यांचीही नोंद त्यात करावी. जाणाऱ्या लोकांची संख्या जर एक हजार असेल तर रेल्वेने प्रवासाची व्यवस्था आणि 25 संख्या असेल तर बसने प्रवासाची व्यवस्था करण्यात येणार आहे. आरोग्य तपासणी करून त्यांना डॉक्टरांचे तपासणी प्रमाणापत्र सोबत देण्यात येईल.

राज्यांतर्गत अडकलेले लोकांनाही जिल्हाधिकाऱ्यांना सांगून त्यांच्या मूळ गावी जाण्याची व्यवस्था केली जाईल. मात्र जर एखाद्या शहरात किंवा भागात कंटामेंन्ट झोन, हॉटस्पॉट जाहीर केला असेल तर त्यांना त्या ठिकाणाहून जाण्यासाठी परवानगी नाही.

प्रत्येक जिल्हा, तालुका पातळीवर यासाठी नोडल ऑफिसर यांची नियुक्ती करण्यात आली आहे. त्यांच्याशी समन्वय साधून शासनामार्फत व्यवस्था केली जाईल. त्यासाठी लोकांनी सहकार्य करावे, गर्दी करू नये असे आवाहन अनिल परब यांनी केले आहे.

राज्यात प्लाझ्मा थेरपीचा पहिला प्रयोग यशस्वी - राजेश टोपे

मुंबई : कोरोना विषाणूचा वाढता प्रार्दुभाव लक्षात घेता आता प्लाझ्या थेरपीचा आधार घेण्यात येत आहेत. जे कोरोना बाधित रुग्ण पूर्णपणे बरे झालेत आहेत. त्यांच्या प्लाझ्मा घेऊन कोरोना बाधित रुग्णांवर उपचार करण्यात येणार आहेत. दरम्यान, कोरोना विषाणूग्रस्तावर उपचारासाठी प्लाझ्मा थेरपीचा पहिला प्रयोग यशस्वी झाला आहे, अशी माहिती राज्याचे आरोग्यमंत्री राजेश टोपे यांनी दिली आहे. मुंबईच्या लीलावती रुग्णालयात ही चाचणी करण्यात आली असून, आता दुसऱ्या रुग्णावर पुन्हा प्लाझ्मा थेरपीने उपचार केले जात असल्याचं टोपे यांनी सांगितले. 

राज्यात प्लाझ्मा थेरपीचा उपयोग करण्यात येत आहे. केंद्र सरकारकडून याला मान्यता देण्यात आली आहे. या उपचार पद्धतीत कोरोना विषाणूमुक्त झालेल्या रुग्णाच्या रक्तातून प्लाझ्मा हा घटक घेऊन, तो कोरोना विषाणू बाधिताच्या रक्तात सोडला जातो, असे पीटीआयच्या वृत्तात म्हटले आहे. मात्र ही पद्धत कोरोना विषाणू ग्रस्तावर उपचारासाठी वापरावी, याचा अद्यापतरी काहीही ठोस पुरावा नसल्याचे, केंद्रीय आरोग्य मंत्रालयाने म्हटले आहे.

राज्यात १७७३ रुग्ण बरे होऊन घरी परतले

राज्यात काल कोरोनाबाधित ५८३ नवीन रुग्णांची नोंद झाली. यामुळे एकूण रुग्ण संख्या १० हजार ४९८ झाली आहे. आज १८० रुग्णांना घरी सोडण्यात आले असून आतापर्यंत राज्यभरात १७७३ रुग्ण बरे झाले आहेत. तर एकूण ८२६६ रुग्णांवर उपचार सुरू आहेत, अशी माहिती आरोग्यमंत्री राजेश टोपे यांनी आज दिली.

आजपर्यंत पाठविण्यात आलेल्या १ लाख ४५ हजार ७९८ नमुन्यांपैकी १ लाख ३४ हजार २४४ जणांचे प्रयोगशाळा नमुने करोना करता निगेटिव्ह आले आहेत तर १० हजार ४९८ जण पॉझिटिव्ह आले आहेत. सध्या राज्यात १ लाख ६८ हजार २६६ लोक होम क्वारंटाईनमध्ये असून १० हजार ६९५ लोक संस्थात्मक क्वारंटाईनमध्ये आहेत.

गुरुवारी राज्यात २७ करोनाबाधित रुग्णांचा मृत्यू झाला आहे. एकूण मृत्यूंची संख्या आता ४५९ झाली आहे. आज झालेल्या मृत्यूपैकी मुंबईचे २०, तर पुणे शहरातील ३ आणि ठाणे शहरातील २ रुग्ण आहेत. या शिवाय नागपूर शहरात १ आणि रायगडमध्ये १ मृत्यू झाला आहे

गेल्या 24 तासांत देशात 1823 नवे रुग्ण; कोरोनाग्रस्तांची संख्या 33610 वर

जगभरात कोरोनाचा कहर पाहायला मिळत आहे. वेगाने पसरणाऱ्या कोरोनाने सर्वत्र भीतीचे वातावरण निर्माण केले आहे. भारतातील कोरोनाग्रस्तांचा आकडा हा दिवसेंदिवस वाढत आहे.

देशातील कोरोनाग्रस्तांची संख्या वाढून हा आकडा आता तब्बल 33 हजारांवर गेला असल्याची माहिती आहे. देशातील एकूण कोरोनाग्रस्तांची संख्या 33 हजार 610 वर पोहचली आहे. तर आतापर्यंत 1075 जणांचा मृत्यू झाला आहे.

24162 जणांवर सध्या रुग्णालयात उपचार सुरू असून 8373 लोकांना उपचारानंतर घरी पाठण्यात आले आहे. गेल्या 24 तासांत देशभरात कोरोनामुळे 67 जणांना आपला जीव गमवावा लागला आहे तर 1823 कोरोनाचे नवे रुग्ण आढळले आहेत, अशी माहिती आरोग्य मंत्रालयाने दिली आहे.

दरम्यान, जगभरात कोरोनाचा कहर पाहायला मिळत आहे. सर्वच देश कोरोनाशी सामना करत आहेत

परदेशात अडकलेले भारतीय परत येणार, मोदी सरकारने तयार केला आराखडा

   लॉकडाउनमुळे परदेशात अडकलेल्या हजारो भारतीयांना परत आणण्याच्या योजनेवर परराष्ट्र व नागरी उड्डयन मंत्रालय काम करत आहे

 30 एप्रिल : लॉकडाउनमुळे परदेशात अडकलेल्या हजारो भारतीयांना परत आणण्याच्या योजनेवर परराष्ट्र व नागरी उड्डयन मंत्रालयाने मोहिम हाती घेतली आहे. पंतप्रधान मोदींनी परदेशातून भारतीयांना परत आणण्याकरिता मूलभूत नियम तयार केले आहेत.

या निर्णयानुसार, सर्वप्रथम कामगार वर्गाच्या लोकांना विशेष विमानाने भारतात आणण्यात येईल. यानंतर, इतर देशांमध्ये अडकलेल्या विद्यार्थ्यांना आणण्यात येणार आहे. त्यानंतर त्या सर्व लोकांना आणण्यात येईल.यामध्ये जी लोकं परदेशात नोकरी करतात किंवा पर्यटनासाठी गेलेले आहेत, त्यांना परत आणले जाणार आहे. भारतीय कामगार सर्वात प्रथम भारतात आलेले पाहिजे, हे मोदींनी स्पष्ट केलं आहे.

बहुतांश आखाती देशांमधील गरीब भारतीय स्थलांतरित कामगारांनी देशाला आर्थिक संकटातून मुक्त होण्यासाठी कशी मदत केली हे सर्वांना माहित आहे. जेव्हा 1998 मध्ये पोखरणमध्ये अटलबिहारी वाजपेयी सरकारने आण्विक चाचणी केली तेव्हा अमेरिकेसह इतर पाश्चात्य देशांनी भारतावर आर्थिक निर्बंध लादले होते. स्टेट बँक ऑफ इंडियाने 2 अब्ज डॉलर्स वाढवण्याच्या उद्दीष्टाने रीजर्जंट इंडिया बाँड जारी केला, त्यावेळी 4 अब्ज डॉलर्स प्राप्त झाले होते. दोन दशकांनंतरही भारतातील प्रवासी नागरिकांचा  मोठा समूह अजूनही पैसे घरी पाठवतो.

2019 मध्ये प्रवासी नागरिकांच्या वतीने पाठविलेला भारत हा सर्वात मोठा देश आहे,  असं जागतिक बँकेने म्हटलं आहे. मागील वर्षी प्रवासी नागरिकांनी सुमारे 82 अब्ज डॉलर्स भारतात पाठविले. त्यातील निम्मे म्हणजे पश्चिम आशियामधील स्थलांतरित मजुरांनी पाठवले होते. कोरोना विषाणूचा साथीच्या रोगांचा पश्चिम आशियातील देशांतील भारतीय मजुरांवर मोठा परिणाम झाला आहे. अनेक प्रकल्प रखडल्यामुळे बर्‍याच जणांनी रोजगार गमावले आहेत. परदेशात राहणार्‍या 1.26 कोटी भारतीयांपैकी 70 टक्के लोक 6 गल्फ देशांमध्ये आहेत. संयुक्त अरब अमिरातीमध्ये 34 लाख भारतीय राहतात. सौदी अरेबियामध्ये 26 लाख, कुवेत, ओमान, कतार आणि बहरेनमध्ये 29 लाख भारतीय आहेत.
आखाती देशांमध्ये राहणाऱ्या  भारतीयांव्यतिरिक्त भारतीय दूतावासांना ब्रिटन, कॅनडा, अमेरिका, रशिया सिंगापूर, फिलिपिन्स यासारख्या अनेक देशांमध्ये अडकलेल्या भारतीय विद्यार्थ्यांची विनंती प्राप्त झाली आहे. रशियामध्ये सुमारे 15 हजार  भारतीय विद्यार्थी अडकून पडले आहेत. हे गुंतागुंतीचे काम असून परदेशातील भारतीय दूतावासाद्वारे ज्या लोकांना भारतात परत  आणायचे आहे, त्यांची यादी तयार केली जाईल. यानंतर प्राधान्य तयार करुन संबंधित राज्यांना कळविण्यात येईल. जेव्हा ते भारतात परत येईल  तेव्हा प्रत्येकाची वैद्यकीय तपासणी केली जाईल. एखाद्याला अलग ठेवावे की, थेट रुग्णालयात पाठवावे हे त्यावेळी ठरवेल जाईल. संपूर्ण प्रक्रियेसाठी परराष्ट्र मंत्रालयाला नियंत्रण कक्षाची स्थापना करावी लागेल.

BREAKING: 3 मेनंतर राज्यात लॉकडाउनमध्ये होणार बदल, अजित पवारांनी दिले संकेत

राज्यात ज्या भागात कोरोनाचा जास्त प्रसार झाला आणि अशा जिल्ह्यांना ग्रीन झोनमध्ये टाकण्यात आलं आहे.

 30 एप्रिल : कोरोना व्हायरसचा प्रादुर्भाव वाढू नये म्हणून देशात लॉकडाउन करण्यात आला होता. लॉकडाउनचा दुसरा टप्पा आता तीन दिवसांत संपणार आहे. त्यामुळे राज्यातील काही ग्रीन झोन भागात अटी शिथिल करण्यासाठी राज्य सरकारने हालचाल सुरू केली आहे. तसे संकेत उपमुख्यमंत्री अजित पवार यांनी दिले आहे.राज्यात ज्या भागात कोरोनाचा जास्त प्रसार झाला आणि अशा जिल्ह्यांना ग्रीन झोनमध्ये टाकण्यात आलं आहे. ग्रीन झोन क्षेत्रातील जिल्ह्यात 3 मे नंतर सूट देण्याबाबत हालचालींना आता वेग आला आहे. ग्रीन झोन क्षेत्रात दुकानं, व्यवसाय सुरू करण्याबाबत सरकारचा विचार असल्याची माहिती सूत्रांनी दिली आहे.

ग्रीन झोन परिसरात दुकानं सुरू करण्याबाबत राज्य सरकर अनुकूल आहे. पण पंतप्रधान नरेंद्र मोदी 3 मेनंतर  देशातील लॉकडाइन बाबत नेमकी काय भूमिका घेतात याकडे राज्य सरकारचे लक्ष लागले आहे.

दरम्यान, सोशल डिसस्टसिंग नियम पाळून व्यवहार सुरू करता येतील तशी सरकारची भूमिका आहे. फार दिवस सगळे बंद करता येणार नाही. लोकांच्या समस्यांचा विचार करून ग्रीन झोनमध्ये थोडी शिथिलता आणण्याचा विचार आहे, असं उपमुख्यमंत्री अजित पवार यांनी सांगितलं.

मुंबई-पुण्यात लॉकडाउन कायम?

मागील सोमवारी 27 एप्रिल रोजी लॉकडाउन आणि पुढील उपयायोजनेबाबत पंतप्रधान नरेंद्र मोदी आणि राज्याचे मुख्यमंत्री उद्धव ठाकरे यांच्यामध्ये चर्चा झाली. राज्यात ज्या जिल्ह्यांमध्ये कोरोनाचा प्रादुर्भाव जास्त आहे, अशा जिल्ह्यात लॉकडाउन वाढवण्याची शक्यता आहे.

राज्यात सर्वाधिक कोरोनाबाधित रुग्णांची संख्या ही राजधानी मुंबई आणि पुण्यात आढळून आली आहे. त्यामुळे राज्यात जर लॉकडाउन वाढवायचा असेल तर तो  मुंबई आणि पुण्यात कायम राहण्याची शक्यता आहे. तसंच राज्यातील इतर जिल्हे जे रेड झोनमध्ये आहे, त्यांचाही समावेश लॉकडाउन 3 मध्ये असणार आहे.

मिळालेल्या माहितीनुसार, साधारणपणे तिसऱ्या टप्प्यातला लॉकडाउन हा आणखी दोन आठवड्यांसाठी असण्याची शक्यता आहे. यात प्रामुख्याने मुंबई आणि पुणे शहरावर जास्त भर असणार आहे. त्या व्यतिरिक्त जे झोन राज्यामध्ये तयार करण्यात आले आहे. त्या भागात कोरोनाबाधित रुग्णांची संख्या पाहून निर्णय घेतला जाण्याची शक्यता आहे

महाराष्ट्राच्या अर्थकारणावर विपरित परिणाम होणार – शरद पवार

महाराष्ट्राच्या अर्थकारणावर विपरित परिणाम होणार – शरद पवार

लॉकडाउनमुळे उद्योग, व्यापार, व्यवहार पूर्णपणे ठप्प असून याचा विपरित परिणाम महाराष्ट्राच्या अर्थकारणावर होणार असल्याचं राष्ट्रवादी काँग्रेसचे अध्य़क्ष शरद पवार यांनी सांगितलं आहे. शरद पवार यांनी फेसबुकच्या माध्यमातून जनतेशी संवाद साधला. यावेळी बोलताना त्यांनी देशभरात अनेक ठिकाणी आर्थिक संकट उभं राहणार असून त्यासाठी सर्वांनी एकत्रित चर्चा करुन मार्ग काढला पाहिजे असं आवाहनही केलं. सोबतच मुंबई, पुण्यात महापालिका आणि शासकीय यंत्रणेने मोठ्या प्रमाणात कार्यक्रम हाती घेतला असल्याने संख्या वाढत असल्याचं सांगितलं.

“४० दिवसांपासून सगळं काही बंद आहे. कारखाने, व्यापार, व्यवहार बंद आहेत. लोकांचे रोजगार बुडाले आहेत. यामुळे महाराष्ट्राच्या, शासनाच्या अर्थकारणावर विपरित परिणाम होणार आहे. मी सगळी माहिती घेण्याचा प्रयत्न केला. राज्य सरकारचा २०२०-२१ चा जो अर्थसंलकल्प होता त्यात एकंदर राज्याचं महसूल उत्पन्न तीन लक्ष 47 हजार कोटीच्या आसपास जाईल असं चित्र दिसतंय. पण आज सुधारित  माहिती घेतली असता महसूलात तूट पडेल असं दिसतंय. ही तूट १ लक्ष ४० हजार कोटी इतकी असेल. याचा अर्थ एकूण येणाऱ्या उत्पन्नापैकी ४० टक्के उत्पन्न कमी होईल. याचा परिणाम सरकारच्या कामावर झाल्याशिवाय राहणार नाही. आर्थिक संकट उभं राहणार असून आपल्यासाठी ते महत्त्वाचं आहे,” असं शरद पवार यांनी यावेळी सांगितलं.

“मी पंतप्रधनांना यासंबंधी कल्पना दिली आहे. देशाच्या सगळ्या भागांवर हे आर्थिक संकट आहे. आपण सगळ्यांनी यावर चर्चा करुन मार्ग काढला पाहिजे,” असं आवाहनही यावेळी शरद पवार यांनी केलं.

“मुंबई, पुणे, जळगाव, मालेगाव, औरंगाबाद येथे करोनाचा फैलाव जास्त आहे. खासकरुन मुंबई, पुण्यात जास्ता प्रभाव दिसत आहे. मुंबई, पुण्यात बहुसंख्य भाग दाटीवाटीचे आहेत. इच्छा असूनही लोकांना सोशल डिस्टन्सिंग पाळता येत नाही. म्हणून मुंबई पुण्यात संख्या जास्त आहे. सोबतच मोठ्या प्रमाणात महापालिका, शासकीय यंत्रणेने कार्यक्रम हाती घेतला असल्यानेही संख्या वाढत आहे. सर्व करोनाचे रुग्ण असतात असे नाहीत. एकंदर आरोग्याच्या दृष्टीने खबरदारी आपण घेत आहोत. राज्य सरकारने त्यादृष्टीने पावलं उचलत आहे,” अशी माहिती शरद पवार यांनी यावेळी दिली.